कांग्रेसका निवर्तमान सांसद सोमबार सर्वोच्च जाँदै, पुनर्स्थापनाको पक्षमा ६५ सांसदको हस्ताक्षर

काठमाडौँ । नेपाली कांग्रेसका तर्फबाट प्रतिनिधित्व गर्ने विघटित प्रतिनिधिसभामा सदस्यले पुनर्स्थापनाका पक्षमा हस्ताक्षर गरेका छन् । पार्टीका ६५ जना निवर्तमान सांसदले हस्ताक्षर गरेका हुन् । कांग्रेसको विघटित प्रतिनिधिसभाकी सचेतक सुशीला थिङले शीर्ष नेता बाहेकका ६५ सांसदले पुनर्स्थापनाका पक्षमा हस्ताक्षर गरेको जानकारी दिनुभयो ।

कांग्रेस संसदीय दल स्रोतले भन्यो, सभापति शेरबहादुर देउवा, कार्यवाहक सभापति पूर्णबहादुर खड्का, महामन्त्रीद्वय गगन थापा र विश्वप्रकाश शर्मा, इतर समूहका नेताले पुनर्स्थापना हुनुपर्छ भन्नेमा हस्ताक्षर गरेका छैनन् । हस्ताक्षरसहित भोलि सर्वोच्च जाने तयारी कांग्रेसले गरेको एक निवर्तमान सांसदले नेपाल सवाललाई जानकारी दिए ।