नेदरल्याण्ड्ससँग नेपाल पराजित

काठमाडौं । त्रिकोणात्मक महिला टी ट्वान्टी आई सिरिजको पहिलो खेलमा नेदरल्याण्ड्ससँग नेपाल पराजित भएको छ ।

विहीबार भएको खेलमा नेदरल्याण्ड्सले नेपाललाई २० रनले पराजित गरेको हो । नेदरल्याण्ड्सले नेपाललाई १ सय ५८ रनको लक्ष्य दिएको थियो भने नेपालले निर्धारित २० ओभरमा ७ विकेट गुमाएर १ सय ३७ रन मात्र बनाएको हो ।

सिरिजमा नेपाल र नेदरल्याण्ड्सका साथै थाइल्याण्डको सहभागिता छ । महिला टि ट्वान्टी आई वरियतामा नेपाल २०औं, थाइल्याण्ड १३ औं र नेदरल्याण्ड्स १६औं स्थानमा छ । सिरिजमा सहभागी टोलीले एकअर्कासँग समान ३ पटक खेल्नेछन् । अंक तालिकाको शीर्ष स्थानमा रहने टोली विजेता बन्नेछ ।

नेदरल्याण्ड्सले दोस्रो खेलमा शुक्रवार थाइल्याण्डसँग खेल्नेछ । नेपालले दोस्रो खेलमा शनिवार थाइल्याण्डसँग खेल्नेछ ।